- ສະໂມສອນບານເຕະ ສາລະວັນ ຢູໄນເຕັດ (Salavan United FC) ຂໍສະແດງຄວາມຂອບໃຈຢ່າງຈິງໃຈຕໍ່ SOUDEV ທີ່ໄດ້ຮ່ວມເປັນສ່ວນໜຶ່ງໃນການສະໜັບສະໜູນສະໂມສອນ ຜ່ານການນຳໃຊ້ຄວາມຮູ້ ແລະ ຄວາມຊຳນານດ້ານເທັກໂນໂລຊີ.
- ການຮ່ວມສະໜັບສະໜູນໃນຄັ້ງນີ້ SOUDEV ໄດ້ອາສາພັດທະນາເວັບໄຊ້ໃຫ້ແກ່ສະໂມສອນ ໂດຍບໍ່ຄິດຄ່າພັດທະນາ ເພື່ອຊ່ວຍຍົກລະດັບການສື່ສານ ແລະ ການເຂົ້າເຖິງຂໍ້ມູນຂອງສະໂມສອນໃນຍຸກດິຈິຕອນ.
- ເວັບໄຊ້ດັ່ງກ່າວມຸ່ງເນັ້ນໃຫ້ເປັນສູນກາງຂໍ້ມູນຂ່າວສານຂອງສະໂມສອນ ເຊິ່ງປະກອບມີ ຂ່າວສານ, ຕາຕະລາງການແຂ່ງຂັນ, ຜົນການແຂ່ງຂັນ, ຂໍ້ມູນນັກເຕະ ແລະ ກິດຈະກຳຕ່າງໆ ເພື່ອໃຫ້ແຟນບານສາມາດຕິດຕາມຄວາມເຄື່ອນໄຫວຂອງທີມໄດ້ຢ່າງສະດວກ ແລະ ທັນສະໄໝ.
- ການສະໜັບສະໜູນຂອງ SOUDEV ສະທ້ອນໃຫ້ເຫັນວ່າ ການມີສ່ວນຮ່ວມໃນການພັດທະນາກິລາບໍ່ຈຳເປັນຕ້ອງຈຳກັດຢູ່ພຽງການສະໜັບສະໜູນດ້ານການເງິນ ແຕ່ຍັງສາມາດນຳເອົາຄວາມຮູ້, ທັກສະ ແລະ ຄວາມສາມາດຂອງຕົນເອງ ມາສ້າງປະໂຫຍດໃຫ້ແກ່ສັງຄົມ ແລະ ບ້ານເກີດໄດ້.
- ສະໂມສອນສາລະວັນ ຢູໄນເຕັດ ຂໍຂອບໃຈ SOUDEV ອີກຄັ້ງ ສຳລັບນ້ຳໃຈ ແລະ ຄວາມຕັ້ງໃຈໃນການຮ່ວມສ້າງສິ່ງດີໆໃຫ້ແກ່ສະໂມສອນ.
- ຮ່ວມກັນພັດທະນາ ຮ່ວມກັນກ້າວໄປຂ້າງໜ້າ ເພື່ອສາລະວັນຂອງພວກເຮົາ! 🧡⚽
SALAVANUNITED